Numbers 33

Israel Khualzinna Munte

1Moses le Aaron in Israel-te makaihin Egypt pan a honhonin paikhia-a a khualzinna munte uh hihte ahi hi. 2TOPA thupiak zui-in Moses in a khualzinna mun uh a ciamteh hi. Hihte in a khualzinna munte uh ahi hi:

3 Paisan ni khit a kha masapen a nisawm le nga ni-in Rameses panin Israel-te kipankhia uh hi. Egypt mi khempeuh muhin amaute hang takin paikhia uh hi; 4TOPA in amaute pasiante tungah thu khen ahi manin, amaute lakah TOPA in asatlup a tapa upapente uh a vuikhin ahi uh hi. ^a
5 Israel-te in Rameses nusia-in Succoth ah giahphual sat uh hi.
6 Amaute in Succoth nusia-in sehnel-gam nawl Etham ah giahphual sat uh hi. ^b
7 Amaute in Etham nusia-in Pi Hahiroth lamah kileh kikin Baal Zephon nisuahna lamah pai uh a Migdol kiangah giahphual sat uh hi.
8 Amaute in Pi Hahiroth b nusia-in tuipi kantanin sehnel-gam ah pai uh a, Etham Sehnel-gam ah ni thum sung a pai khit uh ciangin Marah ah giahphual sat uh hi. ^c
9 Amaute in Marah nusia uh a, tuinak sawm le nih le nisuh kung sawm sagih a omna Elim ah giahphual sat uh hi. ^d
10 Amaute in Elim nusia-in Tuipi San c gei-ah giahphual sat uh hi.
11 Amaute in Tuipi San nusia-in Sin Sehnel-gam ah giahphual sat uh hi.
12 Amaute in Sin Sehnel-gam nusia-in Dophkah ah giahphual sat uh hi.
13 Amaute in Dophkah nusia-in Alush ah giahphual sat uh hi.
14 Amaute in Alush nusia-in mite dawn ding tui om lohna mun Rephidim ah giahphual sat uh hi.
15 Amaute in Rephidim nusia-in Sinai Sehnel-gam sungah giahphual sat uh hi.
16 Amaute in Sinai Sehnel-gam nusia-in Kibroth Hattaavah ah giahphual sat uh hi. ^e
17 Amaute in Kibroth Hattaavah nusia-in Hazeroth ah giahphual sat uh hi.
18 Amaute in Hazeroth nusia-in Rithmah ah giahphual sat uh hi.
19 Amaute in Rithmah nusia-in Rimmon Perez ah giahphual sat uh hi.
20 Amaute in Rimmon Perez nusia-in Libnah ah giahphual sat uh hi.
21 Amaute in Libnah nusia-in Rissah ah giahphual sat uh hi.
22 Amaute in Rissah nusia-in Kehelathah ah giahphual sat uh hi.
23 Amaute in Kehelathah nusia-in Shepher Vum ah giahphual sat uh hi.
24 Amaute in Shepher Vum nusia-in Haradah ah giahphual sat uh hi.
25 Amaute in Haradah nusia-in Makheloth ah giahphual sat uh hi.
26 Amaute in Makheloth nusia-in Tahath ah giahphual sat uh hi.
27 Amaute in Tahath nusia-in Terah ah giahphual sat uh hi.
28 Amaute in Terah nusia-in Mithcah ah giahphual sat uh hi.
29 Amaute in Mithcah nusia-in Hashmonah ah giahphual sat uh hi.
30 Amaute in Hashmonah nusia-in Moseroth ah giahphual sat uh hi. ^f
31 Amaute in Moseroth nusia-in Bene Jaakan ah giahphual sat uh hi.
32 Amaute in Bene Jaakan nusia-in Hor Haggidgad ah giahphual sat uh hi.
33 Amaute in Hor Haggidgad nusia-in Jotbathah ah giahphual sat uh hi.
34 Amaute in Jotbathah nusia-in Abronah ah giahphual sat uh hi.
35 Amaute in Abronah nusia-in Ezion Geber ah giahphual sat uh hi.
36 Amaute in Ezion Geber nusia-in Zin Sehnel-gam sunga Kadesh ah giahphual sat uh hi. ^g
37 Amaute in Kadesh nusia uh a, Edom gamgi tunga Hor Vum ah giahphual sat uh hi. 38Israel-te Egypt pana a paikhiat zawh uh a kum sawmlina a kha ngana a ni masapen ni-in TOPA thupiakna mun Hor Vum tungah siampi Aaron paito a, tua lai-ah a si hi. 39Hor Vum tungah Aaron a sihin a khan kum zakhat le sawmnih le li a pha hi. ^h
40 Canaan gam Negev a teng Canaan mi Arad kumpipa in Israel-te a paina thu a za hi. ⁱ
41 Amaute in Hor Vum nusia-in Zalmonah ah giahphual sat uh hi.
42 Amaute in Zalmonah nusia-in Punon ah giahphual sat uh hi.
43 Amaute in Punon nusia-in Oboth ah giahphual sat uh hi. ^j
44 Amaute in Oboth nusia-in Moab gamgi tunga Iye Abarim ah giahphual sat uh hi.
45 Amaute in Iyim a nusia-in Dibon Gad ah giahphual sat uh hi.
46 Amaute in Dibon Gad nusia-in Almon Diblathaim ah giahphual sat uh hi.
47 Amaute in Almon Diblathaim nusia-in Nebo kianga Abarim mualte kawmah giahphual sat uh hi.
48 Amaute in Abarim mualte nusia-in Jericho b pana Jordan kantanna gei Moab zanglei ah giahphual sat uh hi. 49Beth Jeshimoth panin Abel Shittim dong Jordan gun dung Moab zanglei tung tengah giahphual sat uh hi. ^k

50 Jericho pana kantanna Jordan gun dung zangleite ah TOPA in Moses kiangah, 51“Israel-te hopih inla amaute kiangah, ‘Jordan kantanin Canaan na lut uh ciangin 52tua gama teng note mai-a mite khempeuh hawlkhia un. Amaute suih milimte le a milim sunte uh, a munsangte uh phiatmang un. 53Note neih dinga kong piak ahi manin leitangte tang unla teng un. 54No bawng’ tawh kizui-in aisanin leitang hawm un. A mi tamzaw a lianzaw ngahsakin a tawmzaw a neuzaw ngahsak un. Aisanna-a a ngah bangbang uh a tang ding uh hi. Na pu na pate uh bawng’ tawh kizui-in na luah ding uh hi. ^l

55 “Tua gama teng mite na hawlkhiat kei uh leh a om dinga na phal uh tua mite, note mit ah thaltang-ha le note pangah thangling suak ding uh hi. Note tenna gamah amaute in hong lauthawngsak ding uh hi. 56Tua hun ciangin amaute tunga hih ding ka sawmte no tungah ka hih ding hi, ci-in gen in,” a ci hi.